Федоровка

1618–1619 еллардан мәгълүм. Революиягә кадәрге чыганакларда шулай ук Яңа Усад буларак та искә алына. 1861 елгы реформага кадәр халкы алпавыт крестьяннары катлавына керә. Бу чорда аларның төп шөгыльләре – игенчелек һәм терлекчелек.

Колунец авылының Архангел Михаил чиркәве приходына карый.

1891 елда (башка мәгълүматлар буенча – 1893 елда) бер сыйныфлы катнаш чирхәү-приход мәктәбе ачыла (1900 елда – 22 ир бала һәм 3 кыз бала, 1909 елда – 17 ир бала һәм 15 кыз бала, 1915 елда 40 ир бала һәм 16 кыз бала укый).

XX йөз башында 2 җил тегермәне, 3 вак-төякләр кибете эшли. Авыл җәмәгатенең имана җире 917 дисәтинә тәшкил итә.

1920 елга кадәр авыл Казан губернасының Тәтеш өязе Красная Поляна волостена керә. 1920 елдан – ТАССРның Тәтеш, 1927 елдан – Буа кантонында. 1930 елның 10 августыннан – Тәтеш районында.

Хәзер – Федоровка авыл җирлеге үзәге.

1930 елда «Память Ильича» колхозы оештырыла. 1959 елдан авылда – шул ук хуҗалык (үзәк утары – Удельное Нечасово авылы; 1980 еллар ахырында – 1990 еллар башында үзәк утар авылда урнаша), 1996 елдан – «Память Ильича» (үзәк утары – Удельное Нечасово авылы), 2001 елдан – «Луч» авыл хуҗалыгы җитештерү кооперативлары, 2003–2004 елларда «Прогресс» авыл хуҗалыгы җитештерү предприятиесе» җаваплылыгы чикләнгән җәмгыяте (икесе дә – Тәтеш шәһәрендә) эшли.

Халкы башлыча шәхси ярдәмче хуҗалыкларда авыл хуҗалыгы белән шөгыльләнә.

Авылда башлангыч мәктәп (2002 елда яңа бина төзелә), клуб (мәктәп бинасында), фельдшеро-акушерлык пункты бар.

1646 елда – 11,
1782 елда – 94 ир-ат;
1859 елда – 486,
1897 елда – 656,
1908 елда – 683,
1920 елда – 667,
1926 елда – 791,
1938 елда – 780,
1949 елда – 600,
1958 елда – 526,
1970 елда – 382,
1979 елда – 250,
1989 елда – 175,
2002 елда – 160,
2010 елда – 136,
2021 елда – 102 кеше (руслар).