Талкыш

1680 елдан мәгълүм. Революциягә кадәрге чыганакларда Толкиш, Толкишка исемнәре белән дә искә алына.

XVIII йөздә – XIX йөзнең беренче яртысында халкы дәүләт крестьяннары катлавына керә. Бу чорда халкының төп шөгыльләре – игенчелек һәм терлекчелек, тегүчелек тарала.

XX йөз башында Изге Гурий борадәрлеге мәктәбе (1872 елда ачыла), вак-төякләр кибете эшли.

Авыл җәмәгатенең имана җире 307,4 дисәтинә тәшкил итә.

1920 елга кадәр авыл Казан губернасының Лаеш өязе Ключище волостена керә.

1920 елда – ТАССРның Лаеш, 1927 елдан – Арча кантонында. 1930 елның 10 августыннан – Питрәч, 1935 елның 10 февраленнән – Теләче, 1959 елның 12 октябреннән – Питрәч районында.

Хәзер – Янсуар авыл җирлегендә.

1931 елда авылда “Правда” №2 колхозы оештырыла. 1951 елдан – Ленин исем. колхоз (Раевка авылы белән бергә, үзәк утары – Нырсуар авылы), 1997–2006 елларда Ильич исем. авыл хуҗалыгы җитештерү кооперативы эшли.

Халкы башлыча үсемлекчелек, дуңгыз асрау белән шөгыльләнә.

Авылда башлангыч мәктәп (1998 елга кадәр), клуб бар.

1782 елда – 36 ир заты;
1859 елда – 166,
1897 елда – 245,
1908 елда – 326,
1920 һәм 1926 елларда – 355,
1938 елда – 285,
1949 елда – 395,
1958 елда – 257,
1970 елда – 273,
1979 елда – 209,
1989 елда – 123,
2002 елда – 73,
2008 елда – 74,
2010 елда – 68,
2020 елда – 32 кеше (татарлар).