Олы Норма

Революциягә кадәрге чыганакларда Олы Норма, Мурма исемнәре белән дә искә алына.

1861 елгы реформага кадәр халкы алпавыт крестьяннары катлавына керә. Бу чорда халкының төп шөгыльләре – игенчелек һәм терлекчелек, читкә китеп эшләү тарала.

XIX йөзнең ахырында авыл җәмәгатенең имана җире 269 дисәтинә тәшкил итә.

1920 елга кадәр авыл Казан губернасының Лаеш өязе Селәнгеш волостена керә.

1920 елда – ТАССРның Лаеш, 1927 елдан – Арча кантонында. 1930 елның 10 августыннан – Питрәч районында.

Хәзер – Пимәр авыл җирлегендә.

1950 елларга кадәр авылда Киров исем. колхоз (бергә Пимәр һәм Юныс авыллары; авылда үзәк утар урнаша; 1958 елдан үзәк утары – Пимәр авылында) оештырыла.

Авыл янында археология истәлекләре – Норма туктаулыгы (Казан яны культурасы) табыла.

Е.А.Перчков (1965–1984) – Әфган сугышында катнаша, Кызыл Йолдыз ордены кавалеры (үлгәннән соң), аның исеме белән Питрәч авылындагы урам йөртелә;

П.П.Семенов (1907–1990) – ТАССРның эчке эшләр министры (1953–1954 елларда), ТАССРның Министрлар Советы каршындагы Дәүләт иминлеге комитеты рәисе (1954–1957 еллар).

1859 елда – 97,
2002 елда – ?,
2010 елда – 1 кеше,
2020 елда – даими яшәүчеләр юк.