Оша

ХХ йөз башында нигезләнә.

Нигезләнгән вакытыннан авыл Казан губернасының Чистай өязе Богородский волостена керә. 1920 елдан – ТАССРның Чистай кантонында.

1930 елның 10 августыннан – Ширәмәт, 1963 елның 1 февраленнән – Чаллы, 1965 елның 12 гыйнварыннан – Түбән Кама районында.

Хәзер – Ширәмәт авыл җирлегендә.

1930 елда Молотов исемендәге колхоз оештырыла. 1957 елда “Прикамский” совхозы (үзәк утары – Ширәмәт авылы), 1967 елдан – “Родина” совхозы (үзәк утары – Түбән Уратма авылы), 1987 елдан “Камские Зори” совхозы (үзәк утары – Кама поселогы).

1998 елдан “Камские Зори” авыл хуҗалыгы җитештерү кооперативы эшли. 2004 елдан “Союзагро” җаваплылыгы чикләнгән җәмгыятенең “Прикамский” төбәк җитештерү комплексы.

Халкы башлыча үсемлекчелек белән шөгыльләнә.

Авыл янында археология истәлекләре – Оша авыллыгы (монголларга кадәрге болгар ядкәре), Оша “Жмяк” шәһәрлеге (Ананьино культурасы, гомумболгар ядкәре) табыла.

1920 елда – 125,
1926 елда – 149,
1949 елда – 214,
1958 елда – 219,
1970 елда – 215,
1979 елда – 111,
1989 елда – 54,
2002 елда – 42,
2010 елда – 29,
2022 елда – 30 кеше (чуашлар).