Хәсәнша

1923 елда нигез салына. Оештырылган вакытыннан ТАССР ның Мамадыш кантоны Мамадыш волостена керә. 1930 елның 10 августыннан Мамадыш районында.

Хәзер Югары Ушма авыл җирлеге составында.

1925 елда – авылда “Кызыл Партизан” мелиорация ширкәте, 1930 елда “Коминтерн” колхозы оештырыла. 1960 еллар башында авыл “Татарстан” колхозы составына керә (Алкин, Югары Ушма, Акчишмә, Иске Завод, Хәсәнша, соңрак – Эшче авыллары). 1973 елда “Татарстан” колхозы – “Ушма” совхозы, 1994 елда – “Ушма” күмәк предприятиесе, 2002–2005 елларда “Ушма” авыл хуҗалыгы җитештерү кооперативы итеп үзгәртелә.

Халкы кырчылык, сөт терлекчелеге белән шөгыльләнә.

Авылда башлангыч мәктәп эшли (2015 елга кадәр). Хәзер фельдшер-акушерлык пункты, клуб, мәчет бар.

М.Г.Шәйдуллин (1940 елда туган) – монументалист, рәссам, график, ТР ның атказанган сәнгать эшлеклесе, Рәссамнар берлеге әгъзасы (1983 елдан).

1926 елда – 286,
1938 елда – 337,
1949 елда – 300,
1958 елда – 233,
1970 елда – 279,
1979 елда – 267,
1989 елда – 146,
2002 елда – 99,
2010 елда – 91,
2017 елда – 66 кеше (татарлар – 99%, руслар – 0,5%).