Ялан Зәй

1880 елда нигез салына. Бу чорда халкының төп шөгыле – игенчелек һәм терлекчелек.

XX йөз башында авыл җәмәгатенең имана җире 416 дисәтинә тәшкил итә.

1920 елга кадәр Самара губернасының Бөгелмә өязе Яңа Писмән волостена керә. 1920 елдан ТАССРның Бөгелмә кантонында. 1930 елның 10 августыннан – Бөгелмә, 1935 елның 10 февраленнән – Яңа Писмән, 1955 елның 18 августыннан Лениногорск районында.

Хәзер Писмән авыл җирлеге составында.

Күмәкләштерү елларында поселокта “Память Куйбышева” колхозы оештырыла, 1937 елдан – “Крестьянин” колхозы, 1957 елдан – “Лениногорский” совхозы составында.

Халкы күбесенчә “Ялтау” ачык акционерлык җәмгыятендә (2007 елдан) эшли, кырчылык һәм дуңгыз асрау белән шөгыльләнә.

Төзекләндерелгән “Веселый ключ” чишмәсе бар.

1889 елда – 107,
1900 елда – 94,
1910 елда – 116,
1920 елда – 305 (Тукмак авылы халкы белән),
1926 елда – 198,
1938 елда – 123,
1949 елда – 67,
1958 елда – 75,
1970 елда – 99,
1979 елда – 72,
1989 елда – 45,
2002 елда – 113,
2010 елда – 117,
2017 елда – 123 кеше (руслар – 46%, татарлар – 33%).