Сергеевка

1830 елларда нигез салына. Революциягә кадәрге чыганакларда шулай ук Рус Сугышлысы (Шегушла), Кислинка исемнәре белән телгә алына. 1940 елларга кадәр рәсми атамасы – Северовка.

1860 елларга кадәр халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

XX йөз башында авылда су тегермәне була. Авыл җәмәгатенең имана җире 527 дисәтинә тәшкил итә.

1920 елга кадәр Самара губернасының Бөгелмә өязе Кузайкино волостена керә. 1920 елдан ТАССРның Бөгелмә кантонында. 1930 елның 10 августыннан – Бөгелмә, 1959 елның 16 октябреннән Лениногорск районында.

Хәзер Яңа Чыршылы авыл җирлеге составында.

1960 елдан – “Путь к коммунизму” колхозы (Яңа Чыршылы поселогы, Алёшкино, Горкино, Кузайкино авыллары), 1967 елдан – “Яңа Чыршылы” совхозы, 2003 елдан “Яңа Чыршылы” күмәк предприятиесе составында, 2005–2015 елларда – “Чулпан” җаваплылыгы чикләнгән җәмгыяте.

1859 елда – 344,
1889 елда – 212,
1910 елда – 240,
1920 елда – 242,
1926 елда – 239,
1938 елда – 251,
1949 елда – 217,
1958 елда – 249,
1970 елда – 300,
1979 елда – 219,
1989 елда – 12,
2002 елда – 7,
2010 елда – 17,
2017 елда – 10 кеше (руслар).