Филипповка

1925 елларда Югары Кумор авылыннан күченүчеләр тарафыннан нигез салына.

Оештырылган вакытыннан ТАССРның Мамадыш кантоны Кукмара волостена керә, 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Оштырма-Юмья авыл җирлеге составында.

1930 елда посёлокта “Филипповка” колхозы оештырыла, 1950 елдан – Ворошилов исемендәге колхоз (Иске Юмья авылы), 1960 елдан – “Заря” колхозы (Иске Юмья авылы, 1966 елдан үзәк утары Оштырма-Юмья авылында) (1993 елдан – “Заря” күмәк авыл хуҗалыгы предприятиесе, 2003 елдан – “Заря” авыл хуҗалыгы җитештерү кооперативы), 2009 елдан – “Әсәнбаш” җаваплылыгы чикләнгән җәмгыяте (“Заря” бүлеге), 2014 елдан – “Сөт иле - Әсәнбаш” филиалы, 2017 елдан “Әсәнбаш-Агро” җаваплылыгы чикләнгән җәмгыяте составында.

Халкы кырчылык белән шөгыльләнә.

Поселокта клуб (1980 елдан) эшли.

1926 елда – 83,
1938 елда – 107,
1949 елда – 113,
1958 елда – 100,
1970 елда – 102,
1979 елда – 113,
1989 елда – 71,
2002 елда – 83,
2010 елда – 73,
2017 елда – 76 кеше (удмуртлар).