Яшелчә

1932 елда Кече Салтык авылыннан күчеп килүчеләр нигез сала. Оешкан көненнән – Кама Тамагы, 1963 елның 1 февраленнән – Тәтеш, 1965 елның 12 гыйнварыннан Кама Тамагы районында.

Хәзер Кече Салтык авыл җирлеге составында.

1930 елда авылда «Брек» колхозы оештырыла, 1951 елдан – «Коминтерн» колхозы (үзәк утары Антоновка авылында), 1959 елдан «Ирек» колхозы составында (үзәк утары Кече Салтык авылында), 1993–1997 елларда – «Ирек» күмәк предприятиесе, 2000–2008 елларда – «Ирек» крәстиян хуҗалыклары ассоциациясе.

Халкы «Нармонка» агрофирмасы» җаваплылыгы чикләнгән җәмгыятенең икенче филиалы «Кече Салтык» бүлекчәсендә башлыча авыл хуҗалыгы белән шөгыльләнә.

2003 елга кадәр авылда башлангыч мәктәп эшли. Клуб бар.

1938 елда – 140,
1949 елда – 147,
1958 елда – 129,
1970 елда – 120,
1979 елда – 73,
1989 елда – 65,
2002 елда – 53,
2010 елда – 54,
2017 елда – 47 кеше (татарлар).