Нагорный

1920–1930 елларда нигезләнә. Нигезләнгән вакытыннан поселок Беренче Май, 1963 елның 1 февраленнән – Октябрь, 1965 елның 12 гыйнварыннан – Чирмешән районында.

Хәзер – Ульяновка  авыл җирлегендә.

Күмәкләштерү елларында поселокта “Нагорный” колхозы оештырыла. 1946 елгы мәгълүматлар буенча Ворошилов исемендәге колхоз (үзәк утары – Ульяновка авылы), аның составында Нагорный поселогы була, “Нагорный”һәм Ворошилов исемендәге хуҗалыкларга бүленә. 1951 елда “Нагорный” хуҗалыгы яңадан Ворошилов исемендәге колхозга керә, 1957 елда XX партсъезд исемендәге колхоз (үзәк утары – Ульяновка авылы) итеп үзгәртелә, 1971 елда – Ворошилов исем колхоз. 1996 елдан – Ворошилов исемендәге крестьян хуҗалыклары кооперативлары ассоциациясе, 2002–2007 елларда Ворошилов исемендәге авыл хуҗалыгы җитештерү кооперативы эшли. 2005–2016 елларда “Ульяновка” җаваплылыгы чикләнгән җәмгыяте.

Халкы башлыча үсемлекчелек, сарык асрау белән шөгыльләнә.

1949 елда – 203,
1958 елда – 126,
1970 елда – 161,
1979 елда – 136,
1989 елда – 76,
2002 елда – 78,
2010 елда – 76,
2020 елда – 60 кеше (чувашлар).