Чумач

1920 елларда нигезләнә.

Нигезләнгән вакытыннан авыл ТАССРның Бөгелмә кантоны Чирмешән волостена керә.1930 елның 10 августыннан – Беренче Май, 1963 елның 1 февраленнән – Лениногорск, 1965 елның 12 гыйнварыннан – Чирмешән районында.

Хәзер – Түбән Кармалы авыл җирлегендә.

1959 елда авыл эреләндерелгән “Победа” колхозына (үзәк утары – Түбән Кармалы авылы) керә, 1994 елдан “Победа” авыл хуҗалыгы җитештерү кооперативы эшли. 2015 елдан “Био-Агро” җаваплылыгы чикләнгән җәмгыяте.

Халкы башлыча үсемлекчелек, сөт терлекчелеге белән шөгыльләнә.

Авылда башлангыч мәктәп эшли.

Клуб, китапханә (2018 елдан яңа бинада), фельдшер-акушерлык пункты, мәчет (2014 елдан), авыл янында төзекләндерелгән “Яшьлек” чишмәсе бар.

1926 елда – 188,
1949 елда – 353,
1958 елда – 362,
1970 елда – 373,
1979 елда – 274,
1989 елда – 196,
2002 елда – 153,
2010 елда – 133,
2020 елда – 107 кеше (татарлар).