Загорье

1940 елларда Вахитов исемендәге совхозның беренче бүлекчәсе буларак нигез салына, 1962 елның 28 сентябреннән хәзерге исемен йөртә.

Революциягә кадәрге чыганакларда Докшин хуторы исеме белән билгеле, элекке алпавыт җирләре (хуторда буа була, балык үрчетелә). Докшин хуторы үзәк утардан – Вахитов исемендәге совхоз поселогыннан (1962 елдан Победа поселогыннан) 2 км төньяктарак урнашкан.

Нигез салынган көннән.– Тымытык, 1958 елның 16 июленнән – Ютазы, 1963 елның 1 февраленнән – Бөгелмә, 1965 елның 12 гыйнварыннан Азнакай районнарында.

Хәзер Вахитов авыл җирлегенә керә.

Оешкан көннән Вахитов исемендәге cовхоз составында (Победа поселогы).

Халкы күбесенчә «Победа» җаваплылыгы чикләнгән җәмгыятьтә эшли, кырчылык, ит-сөт терлекчелеге белән шөгыльләнә.

1958 елда – 216,
1970 елда – 173,
1979 елда – 131,
1989 елда – 82,
2002 елда – 80,
2010 елда – 84,
2015 елда – 83 кеше (татарлар).