Түбән Татар Майнасы

Авылга XVIII йөзнең беренче яртысында нигез салына. Революциягә кадәрге чыганакларда Татар Чирмешәне исеме белән дә билгеле.

XVIII йөздә – XIX йөзнең беренче яртысында халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

1743 елда авылда мәчет җимерелә, 1776 елда яңадан төзелә. 1829 елдан авылда мәктәп эшләгәнлеге турында мәгълүмат бар. 1883 елда мәдрәсә ачыла.

XX йөз башында су тегермәне, 4 вак-төякләр кибете эшли.

Бу чорда авыл җәмәгатенең имана җире 1974 дисәтинә тәшкил итә.

1920 елга кадәр авыл Казан губернасының Чистай өязе Биләр волостена керә. 1920 елдан ТАССРның Чистай кантоны составында.

1930 елның 10 августыннан – Биләр, 1963 елның 1 февраленнән – Чистай, 1964 елның 4 мартыннан – Алексеев, 1977 елның 29 августыннан Аксубай районында.

Хәзер Иске Татар Әдәмсуы авыл җирлеге составына керә.

1988 елда авылда “Уңыш” колхозы оештырыла. 1995−2009 елларда “Майна” күмәк предприятиесе.

Халкы күбесенчә “Сөт иле − Аксу” җаваплылыгы чикләнгән җәмгыятьтә эшли.

1918 елда башлангыч мәктәп ачыла (1964 елда яңа бина төзелә), 1965 елда − сигезьеллыкка, 1995 елда урта мәктәпкә (2014 елда яңа бина төзелә) үзгәртелә. 2015 елда мәктәпкә балалар бакчасы кушыла.

Авылда мәдәният йорты, китапханә, фельдшер-акушерлык пункты, мәчет бар.

Авыл янында монголларга кадәр чор Идел буе Болгар дәүләтенә караган Түбән Татар Майнасы торулыгы һәм 3 Түбән Татар Майнасы авыллыгы (I, II, III) табыла.

А.М.Нәҗметдинова (1972 елда туган) – педагог, шагыйрә, язучы.

1782 елда – 84 ир заты;
1859 елда – 384,
1897 елда – 699,
1908 елда – 900,
1920 елда – 956,
1926 елда – 547,
1938 елда – 627,
1949 елда – 416,
1958 елда – 552,
1970 елда – 574,
1979 елда – 433,
1989 елда – 283,
2002 елда – 287,
2010 елда – 286,
2015 елда – 275 кеше (татарлар).