Васыятьнамә

1. Язма рәвештә бирелгән хокукый документ.

2. Татар әдәбиятында эпистоляр жанр төре. Каләм иясенең киләчәк буыннарга, шәкертләргә теләк-үтенечләрен, үгет-нәсыйхәтләрен белдергән язма (кайбер очракларда шигъри формада). Татар әдәбиятында аеруча билгелеләре: «Галикәй Аталык васыятьнамәсе» (1639), «Кишбикә Бикәч васыятьнамәсе» (1660), «Гаделшаһ бине Габдулла васыятьнамәсе» (1788).

Шәрипов Ә.М. XVIII йөз әдәбиятының кайбер жанрлары (Сәяхәтнамә һәм васыятьнамә) // Татар теле һәм әдәбияты. Казан, 1977. 6 нчы китап.

Хисамова Ф.М. Функционирование и развитие старотатарской деловой письменности XVI–XVIII вв. Казань, 1990.