ТАССР Халык мәгариф комиссариаты коллегиясенең 1934 ел 15 октябрь карары белән Чистай шәһәрендә Г.Гайсин җитәкчелегендәге һәвәскәрләр коллективы нигезендә (1922 елдан) Беренче районара күчмә татар театры оеша.

1935 елда театр директоры — С.Г.Өметбаев, администраторы — Ю.С.Фарсин, сәнгать җитәкчесе — А.К.Нагаев.

Труппа 16 кешедән тора: Г.Казанский, И.Максудов, Г.Йосыпова, Р.Садыйкова, Х.Сәлимова һ.б. Репертуарын «Томан арты» (Ш.Камал), «Яшь йөрәкләр» (Ф.Бурнаш), «Зәңгәр шәл» (К.Тинчурин) һ.б. спектакльләр, концерт программалары тәшкил итә.

1936 елда театр Минзәлә шәһәренә күчерелә (кара Минзәлә татар драма театры).

Татарлар турында

Казан татарлары
Халык музыкасы
Бохараев Равил Рәис улы
Милли аш-су