Гыйбадуллин Габделхак Габдулла улы

1952 елның 16 марты, Мари АССР, Турек районы Татар Китнәсе авылы – 2016 елның 1 июле, Медведево поселогы, Марий Эл.

Мәскәүнең Цветной бульвардагы циркы каршындагы клоуннар студиясен тәмамлый (1977).

1977–1994 елларда һәм 1997 елдан «Союзросцирк» системасында, 1995–1997 елларда – Йошкар-Ола шәһәренең 400 еллыгы исемендәге парк каршындагы Җәнлекләр театрын оештыручы һәм җитәкчесе.

Дрессировщик буларак «Хайваннар белән уен» («Игра с животными», режиссер Б.Бреслер, композитор Р.Гобәйдуллин) номеры белән чыгышлар ясый, анда йорт хайваннары – ишәк, каз, эт, кәҗә һ.б. белән комик характердагы трюклар ясый.

Бөтенсоюз цирк сәнгате конкурсы лауреаты (Мәскәү, 1987).

Степанова Г. Игра с животными // Советская эстрада и цирк. 1993. № 34.