Филармониада

Габдулла Тукай исемендәге Татар дәүләт филармониясе тарафыннан Татарстан Республикасы Мәдәният министрлыгы ярдәме белән гамәлгә куела.

Беренче тапкыр 2008 елда оештырыла, ел саен 5-15 декабрьдә үткәрелә.

Репертуар бөтен филармония эшчәнлеген үз эченә ала һәм сәхнә сәнгатенең барлык жанрларын тәкъдим итә: классикадан алып джазга кадәр, эстрада сөйләменнән алып биюгә кадәр, фольклордан алып эстрадага кадәр.

Анда 13 илдән (АКШ, Көньяк Корея, Италия, Дания, Белоруссия, Грузия, Әзербайҗан, Украина, Казахстан, Һиндстан, Польша, Испания, Төркия) һәм Россиянең 20 төбәгеннән (Омск академия симфоник оркестры, Урал яшьләр симфоник оркестры, Александр Рудин җитәкчелегендәге «Musica Viva» камера оркестры (Мәскәү), Светлана Безродная җитәкчелегендәге «Вивальди-оркестр» дәүләт академия камера оркестры (Мәскәү), Саха Республикасы (Якутия) дәүләт скрипачылар ансамбле, П.М.Милославов  исемендәге Дәүләт рус халык хоры (Самара шәһәре), Дон казакларының җыр һәм бию ансамбле (Ростов-на-Дону шәһәре), Ф. Гаскаров исемендәге халык бию ансамбле (Уфа шәһәре) 2000нән артык артист, Иосиф Кобзон, Лев Лещенко, Владимир Зельдин, Геннадий Хазанов, Владимир Винокур, Дмитрий Назаров, Даниил Спиваковский, Александр Ф.Скляр, «Тромбон-шоу» (М. Пиганов, Мәскәү), Даниил Штода, Илья Резник (Санкт-Петербург), Роберт Юлдашев һәм «Курайсы» төркеме (Уфа) һәм башкалар катнашты.