1924 елның 1 гыйнвары, Чистай кантоны Иске Чаллы авылы — 1943 елның 29 сентябре, Украина ССР, Киев өлкәсенең Мироновка районы Великий Букрин авылы.

Саранск пехота училищесен тәмамлый (1943).

Туган авылында колхозда эшли.

1942 елдан Кызыл Армия сафларында, 1943 елның июленнән Бөек Ватан сугышы фронтларында (3 нче гвардия танк армиясенең 7 нче гвардия танк корпусы). Үзәк Воронеж фронты гаскәрләре составында Орёл операциясендә (1943), Сулъяк яр Украинаны азат итүдә (1943) катнаша. Киев өлкәсенең Мироновка районында Днепр елгасын кичкәндә батырлык күрсәтә: 1943 елның 22 сентябренә каршы төндә беренче булып елганы кичә; Н.К. Синдряков җитәкчелегендәге взвод дошман территориясенә үтеп кереп, батальонның елганы кичүен тәэмин итә. Сугышларның берсендә һәлак була.

Ленин ордены, Кызыл Йолдыз ордены һәм медаль белән бүләкләнә.

Малый Букрин авылында һәм Нурлат шәһәрендә бер урам Н.К.Синдряков исемен йөртә, туган авылында Геройга — бюст, Великий Букрин авылында мемориаль такта куелган.

Батырлар китабы — Книга Героев. Казань, 2000.

Автор – М.З.Хәбибуллин