1923 елның 14 гыйнвары, Чистай шәһәре — 1983 елның 5 июле, Украина ССРның Харьков шәһәре.

Балалар йортында тәрбияләнә. Мәктәпнең җиде сыйныфын тәмамлый, аэроклубка йөри.

1941 елдан Кызыл Армия сафларында.

Цнорис-Цхалин хәрби авиация мәктәбен (Грузия ССР, 1942) тәмамлый.

1942 елның декабреннән Бөек Ватан сугышы фронтларында, 2 нче һава армиясендә 5 нче авиация истребительләре корпусының 8 нче гвардия авиация истребительләре дивизиясе 88 гвардия авиация истребительләре полкында звено командиры. Воронеж һәм 1 нче Украина фронтлары гаскәрләре составында П.М.Никоноров Курск дугасы һәм Днепр елгасы буендагы (икесе дә — 1943) сугышларда, Житомир-Бердичев, Ровно-Луцк (икесе дә — 1944), Түбән Силезия, Берлин һәм Прага (барысы да — 1945) һөҗүм операцияләрендә катнаша.

Сугыш ахырына 200 дән артык сугышчан очыш ясый, берүзе — дошманның 18, төркемдә 5 самолётын бәреп төшерә.

Сугыштан соң Ташкент шәһәрендә СССР Хәрби-һава көчләрендә хезмәт итүен дәвам итә (пилотаж техникасы һәм очу теориясе буенча өлкән инспектор).

1957 елдан запаста.

Харьковта яши.

Ленин ордены, өч Кызыл Байрак, 1 нче дәрәҗә Ватан сугышы, Кызыл Йолдыз орденнары, медальләр белән бүләкләнә.

Чистай шәһәрендә Геройлар аллеясында Геройга стела куела, шунда ук аның исеме белән урам атала.

Ханин Л. Герои Советского Союза – сыны Татарии. Казань, 1963;

Герои Советского Союза – наши земляки. Казань, 1984. Кн. 2;

Батырлар китабы – Книга Героев. Казань, 2000;

Книга Героев = Батырлар китабы / сост.: М.В.Черепанов, Е.В.Панов. Казань, 2022. С. 116;

Населённые пункты Республики Татарстан: иллюстрированная энциклопедия: в 3 т. Казань, 2023. Т. 3. С. 667, 676.

Авторлар — М.З.Хәбибуллин, Л.М.Айнетдинова, Г.Х.Галимуллина