Манаков Пётр Захарович

1915 елның 29 мае, Самара губернасы, Бөгелмә өязе Павловка авылы — 1987 елның 8 ноябре, Ленинград.

Казан танк училищесен тәмамлый (1944).

Сугышка кадәр Вахитов исемендәге совхозда: Бөгелмә МТСы тракторчысы, механик, бригадир булып эшли.

1937–1940 елларда һәм 1941 елның ноябреннән Кызыл Армия сафларында. Совет гаскәрләренең Көнбатыш Украина һәм Көнбатыш Белоруссия походында катнаша (1939). 1942 елның июленнән Бөек Ватан сугышы фронтларында, 392 нче батальонның «КВ» танкы өлкән механик-йөртүчесе (38 нче армиянең 180 нче танк бригадасы). Воронеж фронты гаскәрләре составында Курск сугышында (1943) катнаша.

1943 елның 1 февралендә Касторный авылы (Курск өлкәсе) янындагы сугышта батырлык күрсәтә. Манаков танкы экипажы разведка вакытында дошманның танк колоннасын тар-мар итә; сафтан чыккан машинасында сугышуын дәвам итә, яралана.

1948 елдан запаста.

Ленинград заводында механик булып эшли.

Ленин ордены, 1 нче дәрәҗә Ватан сугышы ордены, медальләр белән бүләкләнә.

Бөгелмә шәһәрендә Манаковка бюст куела.

Батырлар китабы — Книга героев. К., 2000;

Герои Советского Союза — наши земляки. К., 1984. Кн. 2;

Ханин Л. Герои Советского Союза — сыны Татарии. К., 1993.

Автор — М.З.Хәбибуллин