Гыйматдинов Габбас Кыям улы

1925 елның 8 феврале, хәзерге Чирмешән районы Туймәт авылы – 1997 елның 2 гыйнвары, Нурлат шәһәре.

Казан педагогия институтын (1962 ел), Минзәлә совхоз-техникумын (1967 ел) тәмамлый.

1946–1952 елларда ВКП(б)ның Беренче Май райкомында партия эшендә, 1952–1955 елларда КПССның Ямаш райкомының 2 нче секретаре.

1956–1958 елларда Шөгер районының «Ленин юлы» колхозы рәисе.

1958–1962 елларда КПССның Теләче, Саба райкомнарының 1 нче секретаре, 1962–1964 елларда административ-хуҗалык эшендә.

1963–1964 елларда Куйбышев парткомының секретаре, 1965–1987 елларда Октябрь райкомының 1 нче секретаре.

Герой исеме 8 нче бишьеллык планнарын уңышлы үтәгәне өчен бирелә.

1963–1989 елларда ТАССР Югары Советы депутаты. Бер үк вакытта 1974–1989 елларда ТАССР Югары Совет рәисе урынбасары.

Бөек Ватан сугышында катнаша.

Ике Ленин ордены, 1 нче һәм 2 нче дәрәҗә Ватан сугышы, Хезмәт Кызыл Байрагы, Халыклар дуслыгы орденнары, медальләр белән бүләкләнә.

Нурлат шәһәрендәге Мәдәният йортына һәм бер урамга Г.К.Гыйматдинов исеме бирелә, бюсты куела.

Фасахов К. Гиматдинов Габбас Киямович // Герои Социалистического Труда Татарии (1938-1978 гг.): Док. очерки. Казань, 1980;

Герои Социалистического Труда и полные кавалеры ордена Трудовой Славы – наши земляки. Казань, 2003;

Гиматдиновы: Воспоминания. Очерки. Фотографии. Документы. Казань, 2009.