Габбасов Сәет Фәйзерахман улы

1925 елның 8 сентябре, Тәтеш районы Үтәмеш авылы – 2007 елның 17 марты, шунда ук.

Бөек Ватан сугышында катнаша.

1952 елда Тәтеш районы Монастырский авыл һөнәри-техник училищесын тәмамлый.

1941–1985 елларда шул ук районның «Алга» колхозында: колхозчы, тракторчы, трактор бригадасы бригадиры (1963 елдан).

С.Ф.Габбасов җитәкчелегендә бригада системалы рәвештә фән һәм алдынгы техника казанышларын гамәлгә кертә, игенчелекнең югары культуралылыгына ирешә, 1973 корылык елында да бөртеклеләрнең һәр гектарыннан 33,5 ц уңыш алына.

Герой исеме бөртеклеләрдән югары уңыш алган өчен бирелә.

КПССның 25 нче съезды делегаты (1976 ел).

Ленин ордены, Октябрь Революциясе, 2 нче дәрәҗә Ватан сугышы орденнары, медальләр белән бүләкләнә.

Зыятдинов Ф.С. Сын полей. Казань, 1975;

Мягков Г. Габбасов Саит Файзрахманович // Герои Социалистического Труда Татарии: Док. очерки. Казань, 1984. Кн. 2;

Герои Социалистического Труда и полные кавалеры ордена Трудовой Славы - наши земляки. Казань, 2003.