1909 елның 4 декабре, Казан губернасы, Тәтеш өязе (хәзерге Тәтеш районы) Чинчурино авылы – 1945 елның 30 гыйнвары, Катовице шәһәре янында җирләнә, Польша.

Мәктәпнең җиде сыйныфын тәмамлаганнан соң, авыл хуҗалыгында, «Заготзерно» конторасында эшли. Алтайда яши.

1931–1933 елларда һәм 1935 елдан Кызыл Армия сафларында.

Кече командирлар мәктәбен (1933 ел), Сәяси курслар (1940 ел) һәм «Выстрел» курсларын (1943 ел) тәмамлый. 

Совет-фин сугышында катнаша (1939–1940).

Бөек Ватан сугышы фронтларында 1943 елдан, 59 нчы армиянең 245 нче укчы дивизиясе 904 нче укчы полкның батальон командиры.Ленинград фронты һәм 1 нче Украина фронты гаскәрләре составында Ленинград сугышында (1941–1944 еллар), Сандомир-Силезия һөҗүм операциясендә катнаша.

1945 елның 31 гыйнварында Кендзежин (Польша) шәһәреннән көньяк-көнчыгыштарак Одер елгасын кичкәндә батырлык күрсәтә. Батальон командиры сыйфатында елганың сул ярында плацдарм яулый, дошманның күпсанлы гаскәрләренең контрһөҗүмен кире кайтара.

Сугышта һәлак була.

Ленин ордены, Александр Невский ордены һәм медальләр белән бүләкләнә.

Тәтеш шәһәрендә Дан мемориалы территориясендә Геройның бюсты, ул укыган Чинчурино мәктәбе бинасында мемориаль такта урнаштырыла. Аның исеме белән Чинчурино авылында урам атала.

 Боевая слава Алтая. Барнаул, 1978;

Герои Советского Союза — наши земляки. Казань, 1982. Кн. 1;

Герои Советского Союза: краткий биографический словарь. М., 1987. Т. 1;

Батырлар китабы — Книга Героев. Казань, 2000;

Книга Героев = Батырлар китабы / сост.: М.В.Черепанов, Е.В.Панов. Казань, 2022. С. 56;

Населённые пункты Республики Татарстан: иллюстрированная энциклопедия: в 3 т. Казань, 2025. Т. 3. С. 447, 452, 501.                  

Авторлар — М.З.Хәбибуллин, Л.М.Айнетдинова, Г.Х.Галимуллина