Алтынов Николай Николаевич

1924 елның 10 феврале, Арча кантоны Осок-Ковали авылы – 1997 ел, Казан.

1942 елның августыннан Кызыл Армиядә, 1943 елның июленнән Бөек Ватан сугышы фронтларында, танк йөртүче (2 нче гвардия танк армиясенең 1 нче механикалаштырылган корпусы 219 нчы танк бригадасы).

Үзәк, 1 нче Белоруссия фронтлары гаскәрләре составында Курск сугышында (1943), Белоруссияне, Польшаны азат итү сугышларында, Берлин операциясендә катнаша. 1945 елның 21 гыйнварында Кройц (хәзерге Кшиз, Польша) шәһәре өчен барган сугышта батырлык күрсәтә.

1947 елдан запаста.

Ленин, 1 нче һәм 2 нче дәрәҗә Ватан сугышы, 3 нче дәрәҗә Дан орденнары, медальләр белән бүләкләнә.

Батырлар китабы – Книга Героев. Казань, 2000.

Ханин Л. Герои Советского Союза – сыны Татарии. Казань, 1963.