Халыкара эшчеләр хәйрия оешмасы

1921 елның сентябрендә Берлинда Совет Россиясенең ачлыктан интегүче районнары халкына ярдәм комбинатларының Халыкара конференциясендә төзелә. ҮК рәисе — Коминтерн Башкарма комбинаты әгъзасы Клара Цеткин, секретаре — Вильгельм Мюнценберг. Җитәкчелек составына Мартин Андерсен-Нексё (Дания), Анри Барбюс, Поль Вайян-Кутюрье, Ромен Роллан һәм Анатоль Франс (Франция), Теодор Драйзер (АКШ), Альберт Эйнштейн (Германия), Бернард Шоу (Англия) һ.б. керә.

Оешма акча җыю, транспорт табу һәм Россиянең ачлыктан интегүче районнарына азык-төлек йөкләре озату буенча эш алып бара.

1921–1922 елларда ТАССР га 1 млн 772 мең 361 пот азык-төлек, кием-салым, медикаментлар һ.б. йөкләр китерелә. Моннан тыш, Халыкара эшчеләр хәйрия оешмасының Казан бүлеге республикада кустарчылык сәнәгате һәм авыл хуҗалыгы үсешенә ярдәм итә: 3 һөнәри-техник мәктәпне, аяк киеме, тегү һәм механика остаханәләрен тәэмин итеп тора, «Корноухово» (Лаеш кантоны), «Сахарный» (Чистай кантоны), «Коминтерн» (Спас кантоны) с-зларын шефлыкка ала.

1923 елдан Халыкара эшчеләр хәйрия оешмасы эшчәнлегендә капиталистик илләр хезмәт ияләренең сыйнфый көрәшен яклау үзәк урынны ала.

Оешма эшчәнлеген 1935 елда туктата.

Вторые полгода работы Наркомпрода ТАССР в условиях голода. К., 1922; 

Климов И.М. Помощь Советского правительства и великого русского народа трудящимся Татарской республики в борьбе с голодом 1921 — 1922 годов // Уч. зап. Казан. университета. 1954. Т. 114, кн. 5.

Автор — М.А.Сәйдәшева