Малышева С.Ю. Булат Султанбеков: история рода, история жизни. Казань: Издательство Казанского университета, 2023. 352 с.

Монографиядә Әстерхан өлкәсе, Татарстан Республикасы, Башкортостан Республикасы дәүләт архивлары, Россия Дәүләт борынгы актлар архивы документларында, Солтанбәковлар гаиләсе архивы материалларында Татарстанның танылган тарихчысы Булат Фәйзрахман улы Солтанбәковның нәсел тарихы һәм биографиясе карала. Китапның беренче өлешендәге сюжетлар арасында: кенәзләр һәм морзалар Тимбаевлар нәселенең тарихы, аларның Әстерхан губернасындагы җир биләү язмышы; Казан дары заводында кантонистлар арасыннан бер слесарьның тормыш һәм эш тарихы; туганлык, никах, якташлык, мөгаллимлек белән үзара тыгыз бәйләнештә булган мөселман авыл руханилары гаиләләренең, үз чоры вакыйгаларында мөһим роль уйнаган татар зыялылары – мөгаллимнәр, партия функционерлары тарихы. Икенче өлеш Б.Ф.Солтанбәков тормышының төп этапларына, тарихчының тикшеренү алымнары һәм карашы үзенчәлекләренә, аның чыганаклар белән эшләвенә багышлана.

Монографиядә Б.Ф.Солтанбәковның гаилә архивыннан алынган уникаль фотосурәтләр китерелгән, аларның күбесе беренче тапкыр басылып чыга, шулай ук автор тарафыннан нигездә архив документлары материалларына нигезләнеп төзелгән шәҗәрә схемалары тәкъдим ителгән.

Басма белгеч-тарихчыларга һәм генеалогларга, шулай ук Идел буе һәм анда яшәүче халыкларның тарихы белән кызыксынучыларга тәкъдим ителә.

Татарлар турында

Урманче Бакый
Әмирхан Фатих
Милли аш-су
Тукай Габдулла