Япиев Асылгәрәй Солтангәрәй улы

1929 елның 26 августы, Мөслим районы Мари Бүләр авылы — 2011 елның 17 мае, Актаныш районы Мари Суыксуы авылы.

Казан медицина институтын тәмамлаганнан соң (1963), Мари АССРның Йошкар-Ола шәһәре стоматология поликлиникасында эшли.

1964–1980 елларда Казан медицина институтының терапевтик стоматология кафедрасында, 1979 елдан шул ук кафедрасы доценты. 1981–1983 елларда Ижевск медицина институтының стоматология курсы мөдире. 1983 елда терапевтик стоматология кафедрасын оештыручы һәм аның мөдире.

Хезмәтләре тешләрнең сульфат кислотасы белән зарарлану клиникасын өйрәнүгә, авыруны кисәтү һәм дәвалау ысулларын эшләүгә карый.

Кислотный некроз зубов. М., 1974 (автордаш); 

Клинические и лабораторные методы обследования больного и терапевтической стоматологии. Ижевск, 2004 (автордаш); 

Диагностика в терапевтической стоматологии. Ростов н/Д., 2005 (автордаш).

А.С.Япеев: Жизнь в науке. Ижевск, 2009.