Хорват Алексей Николаевич

1836 елның 22 декабре, Херсон губернасы Александрия шәһәре — 1926 ел, шунда ук.

Киев университетының медицина факультетын тәмамлаганнан соң (1865), шунда ук эшли.

1869–1882 елларда Европа илләре университетларында фәнни командировкаларда була.

1882–1896 елларда Казан университетының гомуми патология кафедрасы ординар профессоры.

1896 елдан Александрия шәһәрендә.

 Хезмәтләре гипотермия һәм кышкы йокыга талуга (физиологик процесслар халәтенә) карый. Организмның терморегуляциясе өлкәсендә тикшеренү башлаучыларның иң беренчеләреннән.

Казанның шәрәфле җәмәгать судьясы (1889–1892).

Кырым сугышы истәлегенә Андрей Первозванный ордены тасмасындагы бронза медаль белән бүләкләнә (1856).

Об отношении общей патологии к физиологии. К., 1883; 

К учению о корневой силе. О движении воды по растению // Тр. Об-ва естествоиспытателей при Казан. университете.1896. Т. 26, вып. 4; 

О гипертрофии сердца (Из лекции по общей патологии). К.,1896.

Биографический словарь профессоров и преподавателей Императорского Казанского университета (1814 — 1904). К., 1904. Ч.2.