Флоринский Василий Маркович

1834 елның 16 феврале, Владимир губернасы, Юрьев өязе Фроловское авыл — 1899 елның 3 гыйнвары, Санкт-Петербург.

Хәрби-медицина академиясен тәмамлаганнан соң (1858, Санкт-Петербург), шунда ук, институт табибе вазифасында эшли.

1861–1863 елларда фәнни командировкада була (Берлин, Эрлаген, Вюрцбург, Париж, Лондон, Неаполь), 1865–1877 елларда Казан университетының акушерлык һәм гинекология кафедрасы ординар профессоры, профессор (1867), 1877–1885 елларда акушерлык һәм хатын-кыз авырулары кафедрасы мөдире.

1885–1898 елларда Көнбатыш Себер уку-укыту округы попечителе, Томск университетына нигез салучыларның берсе.

Хезмәтләре акушерлык, Россиядә медицина мәгарифен оештыру мәсьәләләренә, халык медицинасын, медицина тарихын, археологияне, этнографияне өйрәнүгә карый.

3 нче, 2 нче һәм 1 нче дәрәҗә Изге Анна ордены, 2 нче һәм 1 нче дәрәҗә Изге Станислав ордены, 2 нче һәм 3 нче дәрәҗә Изге Владимир ордены, Ак Бөркет ордены, медаль белән бүләкләнә.

Себер университетын оештыруга куйган хезмәте өчен Томск шәһәренең мактаулы гражданы исеменә лаек була.

Об оживлении мнимоумерших новорожденных детей // Медицина вестн. 1865. № 35–36; 

Домашняя медицина. К.,1879; 

Русские простонародные травники и лечебники: Собр. медицина рукописей ХVI и ХVII столетия. К., 1879; 

Курс акушерства. К., 1883.

Биографический словарь профессоров и преподавателей Императорского Казанского университета (1804–1904). К., 1904. Ч. 2.