Ижбулатов Хаҗиәхмәт Исхак улы

1851 елның 16 марты, хәзерге БРның Благовар районы Өдрәкбаш авылы — 1921 ел, Эстәрлетамак шәһәре.

Оренбург кадетлар корпусын тәмамлый.

Отставкага чыкканчы (1908) Уфа, Оренбург, Варшава, Брест-Литовск, Казан шәһәрләрендә хезмәт итә.

Беренче бөтендөнья сугышы башлану белән хәрби хезмәткә алына, запастагы пехота батальоны, соңрак Казан хәрби округы полкы белән җитәкчелек итә. 1918 елның гыйнварыннан маена кадәр 1 нче мөселман укчы бригадасы башлыгы.

Гражданнар сугышында Көнчыгыш фронтта адмирал А.В.Колчак армиясенә каршы сугыша, Башкорт корпусы белән җитәкчелек итә.

4 нче дәрәҗә Изге Владимир, 2 һәм 3 нче дәрәҗә Изге Анна, 2 һәм 3 нче дәрәҗә Изге Станислав орденнары, медальләр белән бүләкләнә.

Ижбулатов М.Р. Генерал Ижбулатов нәселе // Мирас. 2000. № 4;

шул ук. Генерал Ижбулатов // Тулпар. 2001. № 3;

Хамматов Я. Грозовое лето. М., 1978;

Ижбулатов М.Р. И продлится связь времён // Идель. 1991. № 5;

Валиди Ахмет-Заки. Воспоминания. Уфа, 1994.           

Автор — М.Р.Ижбулатов