Абзалов Рем Абзал улы

1914 елның 28 июне, Татарстанның хәзерге Апас районы Урта Балтай авылы – 1983 елның 7 феврале, Ташкент.

Казан университетында рабфакта укый. Казан авиация заводында профком рәисе булып эшли.

1939–1940 елларда совет-фин сугышында катнаша.

1942 елдан Бөек Ватан сугышы фронтларында, 4 нче гвардия армиянең 40 нчы гвардия укчы дивизиясендә рота, батальон командиры. 3 нче Украина фронты гаскәрләре составында Украина, Молдавия, Венгрия, Румыния, Югославияне азат итү сугышларында катнаша.

1944 елның 1 декабрендә Дунапатай авылы тирәсендә (Венгрия) Дунайны кичкәндә батырлык күрсәтә.

«Выстрел» Югары командирлар курсын тәмамлый (1946), Ташкент шәһәре хәрби комиссариатында эшли.

Ленин, ике Кызыл Йолдыз ордены, медальләр белән бүләкләнә.

Батырлар китабы – Книга Героев. Казань, 2000.

Герои Советского Союза – наши земляки. Казань, 1982. Кн. 1.

Березняк Н.Г. Герои Советского Союза – узбекистанцы. Ташкент, 1984.