Базаревский Хәлил Мостафа улы

1851 елның 25 сентябре, Вильно губернасы – ? Польша-Литва татарларыннан.

Петербургта 1 нче хәрби гимназиядә, 2 нче Константинов хәрби училищесендә, Михаил исемендәге артиллерия училищесендә укый. 1870–1899 елларда 26 нчы, 10 нчы артиллерия бригадасында хезмәт итә. 1899 елда полковник дәрәҗәсе ала һәм 29 нчы артиллерия бригадасының 2 нче дивизионы командиры итеп билгеләнә. 1904–1905 елгы рус-япон сугышында катнаша, бригада командиры, 8 нче армия корпусы артиллерия башлыгы вазифаларын башкаручы, 1905 елдан Россия армиясе генерал-майоры. 1906–1911 елларда бригада командиры, 29 нчы пехота дивизиясе командиры вазифаларын башкаручы, 20 нче армия корпусы артиллерия инспекторы вазифаларын башкаручы.

1911 елда отставкага чыга.

«Батырлык өчен» сүзләре язылган шәхси алтын корал, 3 нче һәм 4 нче дәрәҗә Изге Владимир, 2 нче, 3 нче дәрәҗә Изге Анна, 1 нче, 2 нче һәм 3 нче дәрәҗә Изге Станислав орденнары белән бүләкләнә.

Гришин Я.Я., Шарафутдинов Д.Р. На службе Родине. Казань, 2005.

Автор – Я.Я.Гришин