Әминов Илшат Юныс улы

1963 елның 27 июлендә Казан шәһәрендә туган.

Казан университетын тәмамлый (1985).

1985 елдан ТАССР Телевидение һәм радиотапшырулар дәүләт комитетының телевидение студиясендә (хәбәрче, мөхәррир).

1991–1996 елларда Казан университетының журналистика, социология һәм психология факультеты укытучысы.

1996–1998 елларда Казанда «Эфир» телекомпаниясенең яңалыклар хезмәте директоры.

1998–2002 елларда «Татарстан» Дәүләт телерадиотапшырулар компаниясе (ДТРК) директоры.

2002 елдан «Яңа гасыр» телерадиокомпаниясе генераль директоры.

Шәйдуллина Н. Илшат Әминов һәм аның компаниясе // Татарстан. 1999. № 1.