Гайфуллина Әсфирә Гали кызы

1929 елның 1 августы, Лаеш районы Татар Кабаны авылы – 2016 елның 3 октябре, Казан.

Казан механика-технология техникумын тәмамлый (1967 ел).

1948 елдан Казан ясалма күн заводында эшли.

60 яшьтән өлкәннәр арасындагы чаңгы ярышларында (3, 5, 10, 20 км лы дистанциядә) СССР (1990 ел), БДБ илләре (1992 ел), Россия (1994,1996 еллар), дөнья (1993, 1994, 1996 еллар) чемпионы; 65 яшьтән өлкәннәр арасында җиңел атлетика буенча (800, 1500, 3000 м га) Россия чемпионы (1996-1997 еллар, абсолют чемпион – 2000 ел); 70 яшьтән өлкәннәр арасында байдаркада ишү буенча (200, 1000, 2000 м га) Бөтенроссия ярышларында берничә тапкыр җиңүче.