Исаев (Гыйсаев) Габделбари (Бари) Низаметдин улы

1907 ел, Уфа шәһәре – 1982 ел, Ленинград.

БАССРның Бөре кантоны Түләгән авылы мәдрәсәсен тәмамлаганнан соң (1926), шул ук кантонның Каръяуды авылында имам булып тора.

1929 елда кулга алына. 1930 елдан, тоткынлыктан азат ителгәч, Кыргызстанда яши, мулла вазифаларын башкара.

Бөек Ватан сугышында катнаша. Яраланганнан соң (1943), Уфага әйләнеп кайта.

1946–1953 елларда СССРның Европа һәм Себер өлеше мөселманнарының Диния нәзарәтендә эшли, 1953–1956 елларда Уфадагы 2 нче мәхәллә мәчетендә имам-хатиб булып хезмәт итә.

1956 елдан Ленинград җамигъ мәчете имам-хатибы.

1975–1980 елларда СССРның Европа һәм Себер өлеше мөселманнарының Диния нәзарәте рәисе, мөфти.

Автор — А.Б.Юнысова