Ивановский Владимир Николаевич

1867 елның 17 июле, Вышний Волочёк шәһәре — 1939 елның 4 гыйнвары, Ленинград шәһәре.

Мәскәү университетын тәмамлаганнан соң (1890), «Вопросы философии и психологии» журналында сәркәтип булып эшли (1893 елга кадәр). 1896–1900 елларда Мәскәү психология җәмгыятендә сәркәтип.

1899 елда Мәскәү университетында приват-доцент.

1900–1903 елларда чит илләрдә командировкада.

1903 елдан Мәскәүдә Югары хатын-кызлар курсларында, бер үк вакытта 1904–1912 елларда Казан университетында укыта.

1912–1914 елларда чит илләрдә.

1914–1917 елларда Мәскәү университеты, Югары хатын-кызлар курслары приват-доценты.

1917 елның маеннан – Казан, 1918–1921 елларда – Самара, 1921–1927 елларда Белоруссия университетлары профессоры.

Ассоциатив психология тарихы, философия тарихы буенча хезмәтләр яза. И. беренчеләрдән булып «төсле сүз» мәсьәләләрен өйрәнә башлый. Д.С.Милльнең «Силлогистик һәм индуктив логика системасы» («Система логики силлогистической и индуктивной». М., 1900), У.Джемсның «Укытучылар белән әңгәмәдә психология» («Психология в беседах с учителями». М., 1901) хезмәтләрен һ.б. тәрҗемә итә.

Ассоциационизм психологический и гносеологический. Ист.-крит. исслед. К., 1909;

Введение в философию. К., 1909;

Методологическое введение в науку и философию. М., 1923.

Алексеев П.В. Философы России XIX–XX столетий. М., 2002.