2 төре билгеле, Евразиянең уртача поясында таралган. Татарстан территориясендә чатырлы сусак (чәчәкле камыш) (B. umbellatus) – барлык районнарның сулык ярлары буенда, сай сулыкларда, уйсулыктагы сазлыкларда, сазлыклы болыннарда үсә.

50-150 см биеклектәге күпьеллык үсемлек. Тамырчасы калын, шуышма. Сабагы яфраксыз, түгәрәк. Тамыр яны яфраклары кыяк формасында. Чәчәкләре алсу-ак, чатыр чәчәк төркеменә җыйналган. Җимеше – җыелма табакча. Орлыктан һәм тамырчалардан үрчи.

Тамырчасында крахмал, май, сапониннар бар; төнәтмәсе халык медицинасында бәвел кудыру, какырык куптару, ялкынсынуга каршы чара буларак кулланыла.

Ондатра, кондыз, су кошлары өчен азык булып тора.

Декоратив, баллы үсемлек.

Татарлар турында

Әмирхан Фатих
Казан татарлары
Урманче Бакый
Тукай Габдулла