300 гә якын төре билгеле, Евразия, Америка, Африкада таралганнар. ТР территориясендә бер төре — Сарепта көрмәге (L. sareptanum) бар. Кама аръягында очрый. Далаланган тау битләрендә үсә.

30–70 см биеклектәге куе төкчәле күпьеллык үсемлек. Яфраклары зур, чиратлашкан, тамыр яны таралгысына җыйналган. Чәчәкләре вак, саргылт-ак, зәңгәр, алсу касәле, чук чәчәк төркемендә. Җимеше коры, бер орлыклы, ачылмаучан. Июль–сентябрьдә чәчәк ата. Җимешләре август–октябрьдә өлгерә.

Тамырчаларында дуплау матдәләре бар.

Декоратив, баллы үсемлек.

ТРның Кызыл китабына кертелгән.

Татарлар турында

Бохараев Равил Рәис улы
Халык музыкасы
Казан татарлары
Урманче Бакый