6 төре билгеле, Евразиянең уртача поясында таралганнар. Россиядә бер төре – калпаксыман неоттианта (N. cucullata) бар.

ТР территориясендә Көнбатыш Кама алдында очрый. Нарат урманнарында үсә.

8-15 см биеклектәге, 2 калакка бүленгән шарсыман бүлбеле үсемлек. Сабагы нәзек, кабыргалы, аксыл-яшел төстә, 8-15 см биеклектә. Өске яфраклары – тар, ланцетсыман, аскылары – (сабак төбендә) – эллипссыман, кыска, очлы. Чәчәк төркеме – бер яклы йомшак чук. Чәчәкләре ачык алсу, сирәк кенә ак төстә, исе юк. Җимеше – тартмачык. Июнь-июльдә чәчәк ата. Җимешләре августта өлгерә. Орлыктан үрчи.

Декоратив үсемлек.

Югала баручы сирәк төр, ТРның Кызыл китабына кертелгән (2006).

Калпаксыман неоттианта

Татарлар турында

Тукай Габдулла
Урманче Бакый
Казан татарлары
Милли аш-су