20 гә якын төре билгеле, Европа, Азия, Төньяк Африка һәм Төньяк Америкада таралган. ТР территориясендә бер төре — камышсыман кушбашак (Ph. arundinacea) бар; бөтен республикада очрый. Сулык ярлары буенда, сазлыклы болыннарда үсә.

1,5–2 м биеклектәге, озын шуышма тамырчалы, кышка чыдам, дым яратучан үсемлек. Күпсанлы сабагы киң кыяклы, очлы тешәүле яфраклар белән капланган. Башакчыклары бер чәчәкле, аксыл шәмәхә, бер яклы тармаклы себеркәчтә. Җимеше — бөртекчә. Июньдә чәчәк ата. Орлыктан үрчи. Туфракка талымсыз, озак вакыт дәвамында суда калуны һәм ләмләнүне җиңел кичерә, суыкка һәм корылыкка чыдам.

Артык дымлы болыннарда печәнлек җирләр булдыру өчен тәкъдим ителә.

Татарлар турында

Тукай Габдулла
Урманче Бакый
Әмирхан Фатих
Халык музыкасы