400 дән артык төре билгеле, Төньяк ярымшарның уртача поясларында таралган.

Татарстан территориясендә 4 төре очрый. Чәчле каеккузак (O. pilosa) ара-тирә барлык районнарда, купшы чәчәкле каеккузак (O. floribunda), Ипполит каеккузак (O. hippolytii), башаклы каеккузак (O. spicata) Кама аръягында очрый. Далаланган сөзәклекләрдә үсәләр.

15-40 см биеклегендәге күпьеллык үсемлекләр. Тамырлары үзәк, туфракта тирәнгә китә. Яфраклары чиратлашкан, парсыз каурыйсыман. Тамыр яны яфраклары яфрак таралгысы хасил итә. Чәчәкләре сары, алсу, ак төстә, чуксыман куентылы чәчәк төркемендә. Җимеше – кузак. Май-августта чәчәк аталар. Җимешләре июль-сентябрьдә өлгерә. Орлыктан үрчиләр.

Декоратив үсемлекләр, бордюрлар ясаганда утыртыла.

Купшы чәчәкле  каеккузак, Ипполит каеккузак, башаклы каеккузак ТРның Кызыл китабына кертелгән (2006).

Кызык бит!

Кадыйров Нурислам Җиһанша улы
Видеогалерея
Харахашьян Эдуард Георгиевич
Феодолизм