25 ләп төре билгеле, Европада һәм Азиядә, нигездә, Урта диңгез буенда киң таралган.

ТР территориясендә бер төре – Вилькомм глобулярия яки тимгелле зәңгәрбаш (G. will-kоm­mii) республиканың көньяк-көнчыгышында очрый. Известьле һәм ташлы тау битләрендә үсә.

10-20 см биеклектәге, киң тармакланган кыска тамырчалы күпьеллык үләнчел үсемлек. Туры сабаклы. Яфраклары кыска сапта, таралып урнашкан, сизелер-сизелмәс тешле. Чәчәкләре төкчәле, зәңгәр, ялгыз башчага җыелган. Июньдә-июль башында чәчәк ата. Орлыктан һәм куакларын аерып утырту юлы белән үрчетелә.

Декоратив үсемлек.

ТРның Кызыл китабына кертелгән (2006).

Татарлар турында

Тукай Габдулла
Урманче Бакый
Бохараев Равил Рәис улы
Әмирхан Фатих