Составы буенча сланецларның 200 гә якын тибын билгелиләр.

ТР территориясенең Идел һәм Зөя елгалары арасындагы юра утырмаларында гомуми ресурслары 30 млн т дан артык булган янучан сланецларның 2 чыганагы (Бессоново һәм Кадыш) һәм 2 чагылмасы (Сөендек һәм Башчы) ачыклана.

Республиканың көнчыгышында Пермь, ташкүмер, девон һәм протерозой яшендәге токымнарда күмерле сланецлар билгеләнгән.

Көньяк һәм көньяк-көнчыгыш районнарда, якынча 1900 м тирәнлектә карбон утырмаларында — карбонат-кремнийлы һәм аргиллитлы кара сланецлар, девонда коңгырт-соры, кремний-балчыксыл һәм битумлы сланецлар табыла.

ТРның көнчыгыш районнарында 1550 дән 3000 гә кадәр һәм тагын да тирәнрәк кристаллик нигездә кристаллик сланецлар — күмерле, серицитлы, амфиболлы, биотитлы, хлоритлылар һәм башкалар ачыкланган, аларның яше 2 млрд ел.

Сланецлар җылылык энергетикасында (янучан һәм битумлы), вакланган таш, силикат (кремнийлы) кирпеч җитештерүдә; биналарны тышлау һәм түбәләрен ябу өчен һәм башкада кулланыла.

Татарлар турында

Халык музыкасы
Казан татарлары
Милли аш-су
Әмирхан Фатих