Сабакүл

Идел елгасыгың югары террасасында, Лаеш районы Сапуголи (Сабакүл) авылы территориясендә урнашкан.

Су өслегенең мәйданы 8,1 га. Су күләме 80 мең м³. Озынлыгы 765 м, иң зур киңлеге 157 м. Уртача тирәнлеге якынча 1 м, иң зур тирәнлеге 3,7 м. Формасы – озынча түгәрәк, урта өлешендә кысылган.

Күл казанлыгы термокарст процессы нәтиҗәсендә барлыкка килгән. Төньяк яры тәбәнәк һәм сөзәк, көньягы текә һәм күтәренке. Туенуы тотрыклы, күбесенчә җир асты сулары исәбенә.

Суы гидрокарбонат-хлорид-кальцийлы типта, җиңелчә минеральләшкән (114,4 мг/л), бик йомшак (2,5 мг-экв/л), саргылт төстә. Суының үтә күренмәлелеге 90 см.

Ял итү максатларында һәм суы сугару өчен файдаланыла.

Күл ләмләнә һәм үсемлекләр белән каплана бара.

ТРның табигать истәлеге (1978).