Коры саз

Лаеш районының Столбище һәм Комлы Кавал авыллары арасында.

Су өслегенең мәйданы 1,5 га. Күләме 7500 м³. Озынлыгы 690 м, иң зур киңлеге 50 м. Уртача тирәнлеге 0,5 м, иң зур тирәнлеге 2 м.

Күлнең барлыкка килүе карст-суффозия күренеше белән бәйле. Формасы озынча. Ярлары сөзәк, таллар белән капланган.

Күлнең уртасында йөзмә «үлән-утрау» бар.

Күбесенчә явым-төшем сулары белән туена. Суы гидрокарбонат-сульфат-кальцийлы типта. Җиңелчә минеральләшкән, бик йомшак.

Сызалар буйлап зур күләмдә ком-балчык, яңгыр һәм кар сулары агып кергәнгә, күл акрынлап үлән белән каплана һәм ләмләнә.

Күл акчарлаклары колониясе табигать истәлеге составына керә.