Чиста күл

Идел елгасының сулъяк яр югары террасасында, Спас районы Өчкүл авылында урнашкан.

Су өслегенең мәйданы 13,21 га. Суының күләме якынча 200 мең м³. Озынлыгы 640 м, иң зур киңлеге 380 м. Уртача тирәнлеге 1,5, иң зур тирәнлеге 4 м.

Күлнең килеп чыгышы ясалма (казылма күл). Түгәрәк формада. Җир асты сулары белән тотрыклы туена.

Суы гидрокарбонат-хлорид-кальцийлы типта, җиңелчә минеральләшкән (76 мг/л), бик йомшак (1,1 мг/л), саргылт төстә. Үтә күренмәлелеге 40 см.

Хуҗалык-көнкүреш һәм ял итү максатларында файдаланыла.

ТРның табигать истәлеге (1978).