Янковский Владимир Михайлович

1940 елның 3 марты, Казан — 2001 елның 9 июле, шунда ук.

1963 елда Казан авиация институтын (хәзер Казан техник университеты) тәмамлый, шунда ук эшли, һава-реактив моторлар кафедрасымөдире (1988–1998), профессор (1998).

Хезмәтләре яну процессларын модельләштерүгә һәм җылылык моторларында һәм энергетик җайланмаларда ягулык ягуның оптималь технологияләрен эшләүгә багышлана.

Уйлап табуга 12 авторлык таныклыгы бар.

Медальләр белән бүләкләнә.

Академик ишү буенча халыкара спорт мастеры (1961), 1960–1967 елларда СССР Олимпия җыелма командасы әгъзасы.

Исследование массообмена между первичной зоной и струями вторичного воздуха в камерах сгорания ГТД // Изв.вузов. Авиац.техника. 1979. № 1 (автордаш); 

Моделирование зон горения камер сгорания ГТД // Изв.вузов. Авиац.техника. 1986. № 1; 

Основы автоматизированного проектирования камер сгорания газотурбинных двигателей. К., 1989.