Салагаев Александр Леонидович

1952 елның 17 марты, Казан шәһәре – 2014 елның 18 июле, Казан шәһәре.

Казан университетын тәмамлаганнан соң (1975), Казан авиация институтының фәнни коммунизм кафедрасында эшли.

1979 елдан Казан университетында, социология лабораториясе мөдире (1986 елдан).

1994 елдан Казан технология университетында, социаль һәм сәяси конфликтология кафедрасы мөдире (2006 елдан); бер үк вакытта, 2002 елдан, Аналитик тикшеренүләр һәм хезмәтләр үзәге җитәкчесе.

Тикшеренүләре хезмәт социологиясенә, хезмәт коллективлары мәсьәләләренә, яшьләр социологиясенә карый.

Рус мәдәнияте җәмгыяте рәисе (1992 елдан).

Медаль белән бүләкләнә.

Молодёжные правонарушения и делинквентные сообщества сквозь призму американских социологических теорий. Казань, 1997.

Государственное и муниципальное управление. Казань, 2004 (автордаш).

Проблемы социальной девиации: В 2 ч. Казань, 2004.

Казанский университет (1804–2004): Биобиблиогр. словарь. 2004. Т. 3.