Переверзев Андрей Егорович

1900 елның 29 ноябре (12 декабре) – 1971 ел.

1934 елда Ленинград технология институтын тәмамлаганнан соң, шунда ук эшли, директор урынбасары, 1939 елдан 41 нче кафедрасы мөдире (бүленеп: 1942–1944 елларда Казанда, берләштерелгән Ленинград һәм Казан химия-технология институтлары директоры).

Хезмәтләре нитропарафиннар синтезына һәм аларны куллануга, энергия сыйдырышлы каты матдәләр химиясенә һәм технологиясенә карый. Переверзев махсус кулланыштагы эшләнмәләр технологиясенең теоретик нигезләрен эшли. «Капитан Белоусов» бозваткычында Арктикага ике экспедициядә катнаша, диңгез, елга, күлләрнең боз катламы җимерелү шартларын тикшерә, Арктика бозларын шартлатып ваттыру юлын тәкъдим итә.

200 дән артык фәнни хезмәт авторы, уйлап табуга 30 авторлык таныклыгы бар.

Ленин ордены, «Почёт билгесе» ордены, медальләр белән бүләкләнә.

Профессора, доктора наук. Политехнический институт — КХТИ — КГТУ (1919–2000): Краткий биогр. справ. К., 2000.