Башкуров Рөстәм Шакир улы

1927 елның 16 мае, Горький өлкәсенең Сергач районы Камкино авылы – 1967 елның 5 апреле, Казан шәһәре.

Казан педагогия институтын тәмамлый (1950), 1950–1960 елларда СССР Фәннәр академиясенең Казан филиалы Тел, әдәбият һәм тарих институтында фәнни хезмәткәр.

Хезмәтләре, башлыча, Г.Тукай тормышына һәм иҗатына, татар һәм рус әдәбиятларының багланышларына карый.

Тукай һәм рус әдәбияты. Казан, 1958.

История татарской советской литературы (автордаш). Казань, 1965.

Навсегда в сердце народа (Жизнь и творчество Габдуллы Тукая) (автордаш). Казань,1966.

Гиниятуллина А. Писатели Советского Татарстана: Биобиблиграфический словарь. Казань, 1970.